Muzetë e Normandisë së Poshtme dhe krijimi i një rrjeti të Muzeve të Shoqërisë

-Muzetë e Normandisë së Poshtme, ashtu si në të gjithë Europën, kanë njohur në dhjetëvjeçarët e fundit një zhvillim të dukshëm si nga pikpamja e rimëkëmbjes dhe e të menduarit mirë në terma museografikë ashtu edhe në atë të krijimit ex novo të strukturave museore. Fenomeni është i perceptueshëm veçanërisht për rëndësinë e pregatitjes së restaurimit dhe krijimin e strukturave të shumta mbi të gjithë territorin, sa në kontekstin urban edhe në atë rural.Këto investime të rëndësishme të bëra shpesh nga komuniteti lokal dhe në veçanti nga komunat, nganjëherë në bashkëpunim me shtetin (DRAC), krahinën (Këshilli Rajonal), departamentin (Këshilli i Përgjithshëm). Megjithatë janë mbështetur edhe nga qytetarët individual, nga organizatat, në përgjithësi nga komuniteti lokal. Asistojmë pra, në një fenomen identifikimi të komunitetit me muzeun: shoqëria kërkon të përfaqësohet në muze dhe paralelisht muzeu kërkon të përfaqësojë shoqërinë. Vihet re një kërkesë e fortë nga ana e qytetarisë ndaj muzeut i cili duhet në rradhë të parë ti përgjigjet pritshmërisë të popullsisë që duan të shohin të përfaqësuar "unikalitetin" e tyre. Muzetë lokal në Normandi janë në rradhë të parë një përfaqësim që komuniteti jep nga vetja e tij.
Në Normandinë e Poshtme investimet e bëra në muze janë të shoqëruar nga një vendosmëri dhe një zgjerim i misioneve dhe funksioneve të dhëna këtyre institucioneve kulturore. Kështu që, përtej misionit të tyre të konservimit dhe prezantimit të trashëgimisë, ato duhet të përfaqësojnë komunitetin dhe të favorizojnë pasurimin kulturor, të kontribuojnë në zhvillimin turistik dhe ekonomik, ti përgjigjen pritshërisë edukative dhe pedagogjike. të marrin pjesë në politikat sociale; të gjitha këto duke përdorur edhe mjetet e komunikimit dhe të përhapjes moderne shpesh të huaja në botën e muzeve